Terii Bazm-e-Tarab

            terii bazm-e-tarab me.n soz-e-pi.nhaa.N leke aayaa huu.N
            chaman me.n yaad-e-ayyaam-e-bahaaraa.N leke aayaa huu.N

            terii mahafil se jo aramaan-o-hasarat leke nikalaa thaa
            vo hasarat leke aayaa huu.N vo aramaa.N leke aayaa huu.N

            tumhaare vaaste ai dosto mai.n aur kyaa laataa
            vatan kii sub_h aur shaam-e-Gariibaa.N leke aayaa huu.N

            mai.n apane ghar me.n aayaa huu.N magar a.ndaaz to dekho
            ke apane aap ko maani.nd-e-mahamaa.N leke aayaa


           huu.Nmanzil-e-jaanaa.N ko jab ye dil ravaa.N thaa dosto
           tum ko mai.n kaise bataauu.N kyaa samaa.N thaa dosto

           har gumaa.N pahane hue thaa ek malbuus-e-yaqii.n
           har yaqii.n jaa.N daadaa-e-husn-e-gumaa.N thaa dosto

           dil ki har dha.Dakan makaan-o-laamakaa.N par thii muhiit
           har nafas raaz-e-do_aalam kaa nishaa.N thaa dosto

           kyaa Khabar kis justajuu me.n is qadar aawaaraa thaa
           dil ke jo ganjiinaa-e-sarr-e-nihaa.N thaa dosto

           Dhuu.NDhane par bhii na milataa thaa mujhe apanaa vujuud
           mai.n talaash-e-dost me.n yuu.N benishaa.N thaa dosto

           markad-e-iqbal par haazir thii jab dil ki ta.Dap
           zi.ndagii kaa ek pardaa darmiyaa.N thaa dosto

           qurb ne paidaa kiyaa thaa Khud hii duuri kaa samaa.N
           faasalaa varna haayil kahaa.N thaa dosto ?

           beKhudii me.n jab mere ho.nTo.n ne chuumaa qabr ko
           mere siina se gadaa-e-fursiyaa.N thaa dosto

           ruu-ba-ruu-e-jalwaa-e-markad, vujood-e-kam ayaar
           zarr-e-naaqis sharmasaar-e-imtehaa.N thaa dosto

           partav-e-dil me.n nihaa.N thii tah-bateh ye Khaamoshii
           ishq kaa wo bhii ik izhaar-e-bayaa.N thaa dosto

           jalwaagaah-e-dost kaa aalam kahuu.N mai.n tum se kyaa?
           jalwaa hi jalwaa wahaa.N thaa, mai.n kahaa.N thaa dosto?

           sajdagaah-e-Khurshiyaa.N thaa, yaa.N na jaane kyaa thaa wo
           jo merii nazaro.n ke aage aastaa.N thaa dosto

           dil ne har lamhe ko dekhaa ik niraale ra.ng me.n
           lamhaa lamhaa daastaa.N dar daastaa.N thaa dosto

           jis ke she'r-o-naGmagii par vusat-e-aalam thii ta.ng
           har subah ko woh dopahre bekaraa.N thaa dosto

          so rahaa thaa Khaak ke niiche jahaan-e-zi.ndagii
          raaz-e-hastii merii nazro.n par ayaa.N thaa dosto

          kaash tum bhii merii palko.n kaa nazaaraa dekhate
          ye nazaaraa kahqashaa.N dar kahqashaa.N thaa dosto

          Khvaab kii tarah se hai yaad ke tum aaye the
          jis tarah daaman-e-mashriq me.n sahar hotii hai
          zarre zarre ko tajallii kii Khabar hotii hai
          aur jab nuur kaa sailaab guzar jaataa hai
          raat bhar ek a.ndhere me.n basar hotii hai
          kuchh isii tarah se hai yaad ke tum aaye the

          [mashriq=east | sahar=dawn | zarraa=speck/minute particle]
          [tajalii=brilliant light | nuur=light | sailaab=flood/deluge]

          jaise gulashan me.n dabe paao.n bahaar aatii hai
          pattii pattii ke liye leke nikhaar aatii hai
          aur phir vaqt vo aataa hai ke har mauj-e-sabaa
          apane daaman me.n liye gard-o-Gubaar aatii hai
          kuchh isii tarah se hai yaad ke tum aaye the

          [gulashan=garden | mauj=wave | sabaa=gentle breeze]
          [gard=dust | Gubaar=dirt/dust | gard-o-Gubaar=(dhuul-miTTii)]

          jis tarah mahv-e-safar ho ko_ii viiraane me.n
          aur raste me.n kahii.n ko_ii Khiyaabaa.N aa jaaye
          cha.nd lamho.n me.n Khiyaabaa.N ke guzar jaane par
          saamane phir vohii duniyaa-e-biyaabaa.N aa jaaye
          kuchh isii tarah se hai yaad ke tum aaye the

          [mahv-e-safar=traveller | viiraanaa=wilderness]
          [Khiyaabaa.N=blossoming garden | biyaabaa.N=desert/jungle]

          kaamaraan yuu.N thaa meraa baKht-e-javaa.N kal raat ko
          jhuk rahaa thaa mere dar pe aasamaa.N kal raat ko

          [kaamaraan=successful | baKht=luck/fortune]

          husn jab thaa ishq ke ghar mahamaa.N kal raat ko
          uTh chukaa thaa har hijaab-e-daramiyaa.N kal raat ko

          [mahamaa.N=guest | hijaab=curtain | daramiyaa.N=in between]

          kaash ban jaatii hayaat-e-jaavidaa.N kal raat ko
          kis qadar mahabuub thii umr-e-ravaa.N kal raat ko

          [hayaat=life | jaavidaa.N=eternal | mahabuub=dear/loved|
umr-e-ravaa.N=fleeting life]

          dil agar tanhaa meraa tiir-o-kamaa.N kii zad pe thaa
          dil kii zad par bhii rahe tiir-o-kamaa.N kal raat ko

          [tanhaa=lonely | zad=target]

          ban rahii thii halqaa merii ziist ke girdaab kaa
          kuchh sunaharii kuchh rupahalii chuuriyaa.N kal raat ko

          [halqaa=circumference/ring | ziist=life | girdaab=whirlpool]
          [sunaharii=golden | rupahalii=silver]

          ruk ga_ii.n thii yuu.N zamiin-o-aasamaa.N kii gardishe.n
          niim-shab par shaam hii kaa thaa gumaa.N kal raat ko

          [gardishe.n=cycles/rotations | niim-shab=midnight ]
          [gumaa.N= suspicion]

          kyaa Khabar kyo.n husn kii farmaa_isho.n ke baavajuud
          ishq ne chhe.Dii na apanii daastaa.N kal raat ko

          [farmaa_ish=request | baavajuud=inspite of] [daastaa.N=tale/story]

          subah phir laane ko hai lambii judaa_ii kaa payaam
          ye bhii ik aavaaz aa_ii naagahaa.N kal raat ko

          [payaam=message | naagahaa.N=suddenly]