Ibtadaae ishq hai rota hai
kya,
Aage aage dekhiye hota hai kya.
Qafile mein subah ke ek
shor hai,
Yaani ghaafil ham chale sota hai kya.
Sabz hoti hi nahin yeh sar
zamin,
Tukhm-e-khwahish dil mein tu bota hai kya.
Yeh nishaan-e-ishq hain
jaate nahin,
Daagh chhaati ke abas dhota hai kya.
Ghairat-e-Yousaf hai yeh
waqt-e-aziz,
Mir isko raigaan khota hai kya.
Faqiraana aae sadaa kar
chale,
Miyaan khush raho ham dua kar chale.
Jo tujh bin na jeene ko
kahte the ham,
So is ahd ko ab wafa kar chale.
Koi naumidana karte nigah,
So tum ham se munh bhi chhipa kar chale.
Bahut aarzoo thi gali ki
teri,
So yaan se lahu mein naha kar chale.
Dikhai diye yun ke bekhud
kiya,
Hamen aap se bhi juda kar chale.
Jabin sijda karte hi karte
gayi,
Haq-e-bandgi ham ada kar chale.
Prastash ki yaan taeen ke
ai but tujhe,
Nazr mein sabhon ki Khuda kar chale.
Gayi umr dar band-e-fikr-e-ghazal,
So is fan ko aisa bara kar chale.
Kahen kya jo puchhe koi ham
se Mir,
Jahaan mein tum ae the kya kar chale.
Kya kahun tum se main ke
kya hai ishq,
Jaan ka rog hai, bala hai ishq.
Ishq hi ishq hai jahaan
dekho,
Saare aalam mein bhar raha hai ishq.
Ishq maashuq ishq aashiq
hai,
Yaani apna hi mubtala hai ishq.
Ishq hai tarz-o-taur ishq
ke taeen,
Kahin banda kahin Khuda hai ishq.
Kaun maqsad ko ishq bin
pohuncha,
Aarzoo ishq wa mudda hai ishq.
Koi khwaahan nahin mahabbat
ka,
Tu kahe jins-e-narawa hai ishq.
Mir ji zarad hote jaate
hain,
Kya kahin tum ne bhi kiya hai ishq?
Patta patta, boota boota,
haal hamaaraa jaane hai,
Jaane na jaane gul hi na jaane, baagh to saaraa jaane hai.
Aage us mutkabbar ke ham
Khuda Khuda kiya karte hain,
Kab maujud Khuda ko woh maghrur khud-aara jaane hai.
Aashiq saa to saada koi aur
na hoga dunya mein,
Ji ke zian ko ishq mein uske apna waara jaane hai.
Chaaraa gari beemari-e-dil
ki rasm-e-shahr-e-husn nahin,
Warna dilbar-e-naadaan bhi is dard kaa chaara jaane hai.
Mehr-o-wafa-o-lutaf-o-inait,
ek se waqif in mein nahin,
Aur to sab kuchh tanz-o-kanaya, ramz-o-ishara jaane hai.
Aashiq to murdah hai
hamesha ji uthta hai dekhe use,
Yaar ke aa jaane ko yakaayak umr do baara jaane hai.
Tashna-e-khun hai apna
kitna, Mir bhi naadaan, talkhi-kash,
Damdaar aab-e-tegh ko uske aab-e-gawara jaane hai.
*****************************************************************
Sakhun zuef se sakht dushwar tha,
Palak ka uthana bhi ik baar tha.
Khara hun agar paaon laghzan rahe,
Badan baid ki tarah larzan rahe.
Chala jaae sar paaon thra thra kare,
Naseem-e-sahar kaar-e-sar sar kare.
Pas az chand aankhen thahrne lagin,
Nigahen bhi kuchh kaam karne lagin.
Bandha natawaani ka rakht-e-safar,
Kiya taaqat-e-rafta ne munh idhar.
Kise tha miri zindagani ka dhayan,
Walekin nihayat tha main sakht jaan.
Lagi jaan si aane aaza ke beech,
Koi roz rahna tha duniya ke beech.
Phira natawan main bahut door se,
Ke nazdik tha aalam-e-gor se.
Woh soorat ka wahm aur deewanagi,
Lagi karne dar parda be-ganagi.
Na dekhe miri oar us payaar se,
Gharibana sar maare deewar se.
Kahin tuk tasalli, kahin be qarar,
Kahin shauq se mere be ikhtiar.
Kahin waaste mere roti hai khoon,
Kahin dast-e-zer-e-zanakh hai satoon.
Khain dil ko apne dikhawe mujhe,
Miri be wafai jitawe mujhe.
Kahin dast bar dil woh rashk-e-qamar,
Kahin hasrat aaluda mujh par nazar.
Kahin mujh se kahti hai rukhsat mujhe,
Ke mutliq nahin ghum ki taqat mujhe.
Kabho be adaai-o-dushnaam hai,
Kabho baad ke haath paigham hai.
