Be tahasha udan samne hai
Na samajh aasman samne hai

Ghair ke der  pe de rahei hai sada
Ger cheh apna makan samne hai

Tum bhi mit jaoge na sanbhlo ge
Hashar  urdu zaban samne hai

Be sahare  bhi nau chalti hai
Mera hindositan samne hai

Peeth per war ker nahin sakta
Azmate khandan samne hai

Patti aankhon se khol ker daikho
Ikhtelafi byan samne hai

Kaise tahzeeb ko bchau ge
Ser barahna quran  samne hai

Teeshai fikr ho na zung aalood
Maslon ki chatan samne hai

Assman per pahunch gai bhi to kya
Aur ek aasman samne hai

Aise il jul ke log rahtein hain
Daikho qaumi nishan samne hai

Ro-b-ro jis gari hua woh bashar
Yon laga etr dan samne hai