(1)
Kam ter ki havas mein jo brabar ki hawa thi
Apni to samajh se hi baher woh  hawa thi

Kaya sabzai baigana bichha tha mery ander
Kaya charon taraf sabz sanober ki hwa thi

Is sham to kuch aur bhi raushan the sitare
Aisi koi is mah-e-munawwer ki hawa thi 

Ek pair tha, aur,pair ke baher koi mausam
Ek bagh tha aur bagh  ke ander ki hawa thi

Ek chhaun rahi dhoop ki chader ke tale aur
Sahra ke bagolaon mein samander ki hawa thi

Zanjeer  zyan bhi thi mere paon mein lakin
Hathon mein kisi khuabe muatter ki hawa thi

Main bhi tha kisi aur traf mahv-e-tamasha
Who bhi kisi mit-te huai manzar ki hawa thi

Baher ki traf rukh tha mere seele sukhan ka 
Lakin  yeh kisi gunbad-e-be-der ki hawa thi 

Muddat se zafar ,rok rakh tah jise main ne 
Sheeshe  ke muqabil kisi pathther ki hawa thi 

(2) 
Guzra hai mere hale parishan ki taraf se
Jo akas ura subh gariban ki traf se

Eik aisi kiran jo ki andheri hai na raushan
Uchhli hai chiraghe tahe daman ki traf se

Qismat jo kulhi bhi to kuchh is terhan ki mujh tak
Dariya ki hawa aiyee biyanban ki traf se

Hon qaid bhi azad bhi is dil ki badaulat
Zindan ko rawan hon kabhi zidan ki traf se

Mera bhi safer muft mein tai hone laga  hai
Khush hon bahut  is khake-e-khiraman ki traf se

Rahta hon kisi taza museebat mein giraftar
Mushkil ki taraf se kabhi aasan ki traf  se

Mohlat si koi tandiy toofan ki traf ko
Mausam sa koi Khauabe gulistan ki traf 

Khud se hua khali to sabhi khauf huay khatm
Be fiker bara hon sar-o-saman ki traf se

Mera yeh, zafar, manzar-e-maujood pe rahna
Hai eik ishrah kisi imkan ki traf se