Mujh se pehli si mahabbat miri mehboob na maang!
Main ne samjha tha ke tu hai tau darakhshan hai hayaat,
Tera ghum hai tau ghum-e-dahar ka jhagra kya hai,
Teri soorat se hai aalam mein bahaaron ko sabaat,
Teri aankhon ke siwa duniya mein bahaaron ko sabaat,
Teri aankhon ke siwa duniya mein rakha kya hai?
Tu jo mil jaae tau taqdir nigoon ho jaae,
Yun na tha, main ne faqt chaha tha yun ho jaae.
Aur bhi dukh hain zamane mein mahabbat ke siwa,
Raahaten aur bhi hain wasal ki raahat ke siwa;
An ganit sadion ke taarik, bahimaana talism,
Resham-o-atlas-o-kamkhwaab mein bunwae hue,
Ja baja bikte hue koocha-o-bazaar mein jism,
Khak mein lithre hue, khoon mein nahlaae hue,
Laut jaati hai idhar ko bhi nazar, kya kijeye,
Ab bhi dilkash hai tira husn, magar kya kijeye?
Aur bhi dukh hain zamane mein mahabbat ke siwa,
Raahten aur bhi hain, wasal ki raahat ke siwa.

Mere Humdum, Mere Dost  
Gar mujhe iska yaqin ho, mire humdum, mire dost,
Gar mujhe iska yaqin ho ke tire dil ki thakan
Teri aankhon ki udaasi, tire seene k9i jalan,
Meri diljooi, mire payaar se mit jaaegi,
Gar mira harf-e-tasalli woh dawa ho jis se,
Ji uthe phir tira ujra hua be noor dimage,
Teri paishaani se dhul jaaen yeh tazlil ke dagh,
Teri beemaar jawani ko shifa ho jaee,

Gar mujhe iska yaqeen ho, mire humdum, mire dost!
Roz-o-shab, sham-o-sahr main tujhe bahlaata rahun,
Main tujhe geet sunaata rahun, halke, sheerin,
Aabshaaron, baharon ke, chaman zaaron ke geet,
Aamad-e-subah ke, mahtaab ke, sayyaaron ke geet,
Tujh se main husn-o-mahabbat ki hikayaat kahun,
Kaise maghroor haseenaaon ke barfaab se jism,
Garm haathon ki hararat mein pighal jaate hain,