Jumarat 

	Jumarat 

	Bheek mangne wale log
	Eik Allah ko
	Aur Allah ke sare sifati namon ko
	Jumarat mein rung daite hain
	Isi nam se mangte hain
	Jaise Allah aur jumarat
	Eik  hi nam ke do mani hain

	****************************************************
	Juma

	Dil mera ander kaisa hai?
	Main kaya janon
	Lakin jab  juma aata hai
	Mujh ko Masjid le jata hai
	Hauz ke ujle pani  mein
	Hath panu ke sare mail
	Man ki terah dho daita hai
	Chera phool sa khil uthta hai
	Aankhein jugno bun jati hain
	Hauz ki machhli bun jati hain…

	****************************************************
	Saneecher 

	Kabhi kalaye  kabhi deewaron ki
	Bar bar ghariyan takne per
	Din bher bor hone ke bad
	Duti poori hoti hai
	Rat saneecher ki aati hai
	Khuab sajati hai aankhon mein
	Aane wale kal ka khuab
	Dil ki azadi ka khuab 

	****************************************************
	Itwar 
	
	Hafte mein itwar hi ek din aisa
	Jo azad hai 
	Baithiyye, soiyye
	Parhiyye, likhyye
	Bazaar mein ghomiyye
	Chahe senima hall mein picture daikhiyye
	Is ki koi khuahish pabund nahin hai
	Apni merzi se jeeta hai
	Apni merzi se merta hai