Parinde 

	Parinde
	Shakh per baithe huyy
	Kuch sochte huyy lagte hain
	Mumkin hai unhin kuch
	Infradi,  ijtemayee masle ka hal
	Der  paish hon
	Ho un ke fahem se baher
	Yaa mumkin hai
	Kisi soorat
	Amal  nahin us per
	Paride 
	Shakh per baithe huai
	Kuch sochte huai lagte hain

	*****************************************
	Parinde
	Hum ko aazad
	Aur khud mukhtar lagte hain
	Jahan aur jis trah chahein,rahein
	Jo zahen mein aayy, kahin
	Jo kuch bhi kerna chahte ho
	Woh karein
	Is kainat  bekran mein
	Char so ure phirein
	Un ko bhi
	Pasport -o- visa ki
	Zaroorat hi nahin hoti..
	Magaer phir bhi
	Parindon ki uranon ki
	Hadein makhsoos hioti hain….

	*****************************************
	Parindon ki sdaein
	Hum ko 
	Bas  awaz lagtein hain..
	Yeh mumkin hai
	Ki  her awaz koi lafz ho
	Jis ke koi hijje hon
	Mani hon
	Jo pa bund hon qawayd ke
	Baher-e-soorat 
	Yeh  kaya kum hai
	Parindon ki sada se
	 Hum  unein pahchan lete hain

	***************************************** 
	Parindon per
	Qafas  mein pahunchte hi	
	Kainaton ke	
	Kayee asrar khulte hain	
	Haqeeqat rung-o-bo ki
	Aashkar hoti hai
	Rishtah dam-o-dana ka
	Samajh mein aane lagta hai…
	Paridon ko qafas mein
	Bijliyon ka dar nahin hota 
	Kih sari dahshatein
	Gher chhortyy hi
	Serd  ho jatein hain
	Lakin yeh bhi such hai
	Der qafas ka khul bhi jayyto
	Nahin urte
	Paron mein un ke
	Pahli se tawanayee nahin rahti

	*****************************************
	Paride 
	Pair  ke dushman nahin
	Kih us ki her herkat peh
	Juz buz hon
	Aur akser
	Ungliyan us per uthaien
	Shikayt aasmanon se karein
	Us ko saza dilvaein
	Khizaon ko bulaein
	Berq gerwaein
	Chaman mein
	Ashiyan berbad kahlaien
	Aur phir apne kiye ki khud saza paien

	*****************************************
	Parinde
	Apne  dushman to nahin hain
	Paride
	 Aasman  se
	 Osatein  kuch
	Mang bhi lete
	To kaya hota …
	Uranein
	 Un ke toote shahparon mein
	Siskiyan lerein hain
	Jinhein sun ker kayee simtein
	Madad ko aakari hotein,
	Magaer sab be basi se daikhti  rahtien…
	Fazaon mein udasi phial jati
	Baharein bain kertein
	Aur jungal yeh tamashah daikhta rahata