Safar jari hai 

	Safar jari hai

	Jane kis dais se aayein hain parinde ab ke
	Pichle mausam ki kisi fahris mein
	In parindon ka kahin nam pata derj nahin
	Sahme  sahme huyy
	Dum sadhe huai baithe hain
	Dabdabayee huyee aankhon mein
	Ajab khauf sa hai
	Danah  chugtein hain
	Na pani ki taraf kerte hain rukh
	Be watan hone ka ehsas hai shayd un ko
	Yaa bahut lambi musafat ke thake mande hain
	Yaa kisi sadme se dil baith gaya hai unka
	Yaa saza kat ke aayy hain 
	Bahut lambi saza
	Yaa abhi aur lambi saza baqi hai
 
	************************************************************
	Khudkushi 

	Main eik bar phir mar gaya
	Han, mujhe sanp ne das liya
	Aur yeh hadesah
	Nahin hai, mere liye koi naya hadesah
	Sanpon ko pal ker
	Apne  gale mein dal ker
	Pahle bhi,kayee bar
	Shanker banne ki koshish ker raha hon
	Aur usi tarah mer chuka hon

	************************************************************
	Birth day

	Tum manate ho apna birth day
	Ehbab ka ijtema ker ke
	Kat-te ho cake
	Laite ho mubarak bad
	Aur sal bah sal
	Khush hote ho kis qadar
	Apni  samson ki
	Ulti ginti per