Pichlejanam Ki Dhoop

Pichlejanam Ki Dhoop 

Samandar ke hafze mein mahfooz 
Barishon mein zinda 
Raat bhar ki aus sahe 
Surkh pathar ki eik sal par 
Apne sitare ke tale 
Main baitha hoon 
Phir voh kuan tha 
Jo paida hote hi mar gaya tha 
Yaa voh 
Jo ke raat badne se lamha bhar pahle 
Uth kar gaya tha 
Kahan 
Kya vahan ke jahan 
Pathar siyah aur raat surkh thi 
Ke jahan koi kabhi na aaya tha 
Ke jahan se koi 
Kabhi na kahin ko gaya tha 
Pichle janam ki dhoop 
Kya is janam ki chadni hai 
Ki jiski siyah chaon mein 
Meri maa kahin 
Mujh se na vaqf 
Meri muntazar hai 
Ke jahan main abhi 
Apne baap ke piyase talo mein 
Mahaz 
Thade pani ke eik ghoont jaisa 
Maza hoon 
Kya main voh chaon tha 
Ke jisme meri maa 
Meri muntazar thi
Yaa apne baap ke sano ko 
Gar mati hui 
Pichle janam ki dhoop 
Ke jo is janam mein chandani hai 
Kya main voh tha 
Ke jo 
an gant paniyon se 
Apne sitare tale 
Pathar ki is sal par baitha hai 
Yaa voh 
Jo ke paida hote hi 
Na paida ho gaya 
Aur voh kaho iska 
Jo ke raat badne se 
Eik lamha pahle 
Uth kar kahin gaya tha 
Voh bhi kya main tha